Muččâdumos juovlâlavluuh čyejih kuulmâ sämikielân pirrâ Suomâ. Tábáhtusah fäälih máhđulâšvuođâ jaskodiđ kuldâliđ juovlâi saavâ já lávluđ uápis juovlâlavluid tavesämi-, anarâš- já nuorttâsämikielân. Sämikuávlu lasseen tábáhtusah uárnejuvvojeh pirrâ Suomâ. Maaŋgâ tilálâšvuođâst lii fáállun meiddei glögi já máhđulâšvuotâ savâstâllâđ já teivâđ ulmuiguin.

Čuávuvááh tilálâšvuođah:
• Tu 27.11. tme 19 – Turku, Tuámukirkko
• Vá 28.11. tme 18 – Tampere, Aleksander kirkko
• Lá 29.11. tme 14 – Helsig, Tuámukirkko
• Pa 30.11. tme 15 – Oulu, Karjasilta kirkko
• Vu 8.12. tme 18 – Ruávinjargâ, Ruávinjaargâ kirkko
• Lá 13.12. tme 18 – Jyväskylä, Keltinmäki kirkko

Uássin ubâlâšvuođâ valmâštuvá meid Ruávinjaargâ servikode pyevtittem videotyeji, mii kovvejuvvoo Suáđigil kirhoost. Videost puáhtá kuullâđ juovlâlavluid kuulmâ sämikielân. Videost almostittoo uánihis uási 10.10. já ubâ video almostittoo 31.10.

Siärvus fáámu oovtâst juovlâi saavâin

Ruávinjaargâ kirkkohiärrá Ilari Kinnunen kovvee jieijâs uápásmem sämmilâšvuotân návt: "Sämmilij já kirho sovâdâttâmproosees lii puáhtám uáinusân ohtsii historjá já ton poovčâs soojijd. Lii tehálâš, et säänih já tavoh pyehtih ain-uv muštâliđ kunnijâtmist já rähisvuođâst. Jeesus šoddâmân lohtâseijee eŋgâlij saahâ heivee taan-uv sajan: "Imelist lii kunnee olluvvuođâst, eennâm alne ráávhu ulmuin, kiäid sun räähist" (Luuk.2:14) "

Tuurkust uárnejum tilálâšvuotân uásálistám Ainu Feodoroff muštâl, ete mon tiet tábáhtus lii sunjin tehálâš: "Lam aassâm ubâ eellim sämieennâm ulgguubeln, mon tiet lii tehálâš já merhâšittee ete ivveest lii joba ohtâ peivi, kuás puáhtá kárvudâttâđ sämimáccuhân já juhlođ tom kulttuur eres sämmilijguin.

Nube suhâpuolvâ kielâ monâtteijen nuorttâsämikielâ macâttem jieijâs aargân já pirrâsân lii lamaš hástulâš, mut meiddei palhâšittee. Muččâdumos juovlâlavlui várás peessâm máttááttâllâđ uccâ uási evaŋgelium nuorttâsämikielân, já muu mielâst lii , et mii uccâ kielâ váldoo vuotân taam tábáhtusâst. Tast šadda tobdo, et puoh háástuin peerusthánnáá mij lep ain-uv tääbbin."

Čuovgga urbi- Čuovâ urbe: Laavlâ tuáivust já ohtâvuođâstSämikielâlâš juovlâlavluu Čuogga urbi – Čuovâ urbe almostittoo skammâmáánust 2025 stream-palvâlusâin já YouTubest. Laavlâ teema puátá tuáivust já čuovâst, moh kyeddih ulmuu meiddei vaigâd aaigij čoođâ. Laavlâ lii ovdil lamaš mieldi sämikielâlii Muččâdumos juovlâlavluuh -vihkoost já tääl tot lii vuossâmuu keerdi päddejum häämist.

Laavlâ ovtâstit modern muusiklii heiviittâs já ärbivuáválii juáigus, mast šadda kuoskâtteijee já fámulâš ubâlâšvuotâ. Lavluu saanijd lii čáállám Inger-Mari Aikio já nuotâ pieijâm Ánnámáret. Lávlon lii aanaarlâš Káren Maria Näkkäläjärvi, já mieldi juáigusist lii Ánnámáret. Pyevtittâsâst västid jienâtaaidâr já musikkár Miro Mantere já heivitmist västid suu lasseen meid musikkár Otto Eskelinen.

Čuovâ urbe almostuvá puoh tobdos stream-palvâlusâin sehe Oulu pispekode YouTube-kanavast. Oulu pispekoddesiäđus já Sämitige Säämi muusikkuávdáš láá tuárjum almostittem.

Oovtâstpargoost Vuolgâttâsservijn

Muččâdumos juovlâlavluuh -tábáhtusah láá uási Suomâ Vuolgâttâsservij ärbivuáválii kampanja, mast tuárjuh párnáid já sii perruid maailmvijđosávt. Suomâ Vuolgâttâsservi lii almostittâm Muččâdumos Juovlâlavluuh -vihko sämikielân ive 2022.

Lasetiäđuh:
Oulu, sämipargo čällee Erva Niittyvuopio, +358 40 769 0044, erva.niittyvuopio@evl.fi
Helsinki, pispekoddečällee Hanna Remes, +358 40 593 1148, hanna.remes@evl.fi
Jyväskylä, Tiia Saatio, +358 44 365 2677, saatiotiia@gmail.com
Tampere, registerčällee Maarit Vuolab, +358 50 344 2349, maarit.vuolab@evl.fi
Turku, pispekoddečällee Timo Helenius, +358 40 6881 492, timo.helenius@evl.fi
Ruávinjargâ, viestâdemhovdâ Noora Hietanen, +358 40 670 0277 noora.hietanen@evl.fi
Omâdâhhaahâm jođetteijee Hanna Kalanne, +358 40 687 1013, hanna.kalanne@felm.org