Čábbámus Juovlalávlagat čudjet maiddái golmmain sámegielain eará guovlluin Suomas. Dilálašvuođat láhčet vejolašvuođa jaskkodit juovllaid sáni guoras lávlut oahpes juovlalávlagiid davvisáme-, anáraš- ja nuortalašgillii. Sápmelaččaid ruovttuguovllu lassin dilálašvuođat ordnejuvvojit eará guovlluin Suomas. Máŋggain dáhpáhusain lea fállon maiddái glögga ja vejolašvuohta deaivvadeapmái ja hálešteapmái.

Dilálašvuođat ordnejuvvojit čuovvovaččat:

• Du 27.11. dmu 19 – Turku, Duopmokirku
• Be 28.11. dmu 18 – Tampere, Aleksantera kirku
• Lá 29.11. dmu 14 – Helsset, Duopmokirku
• So 30.11. dmu 15 – Oulu, Karjasilta kirku
• Vu 8.12. dmu 18 – Roavvenjárga, Roavvenjárgga kirku
• Lá 13.12. dmu 18 – Jyväskylä, Keltinmäki kirku

Oassin oppalašvuođas gárvána maiddái Roavvenjárgga searvegotti buvttadan videoduoddji, mii govvejuvvo Soađegili kirkus. Videos gullat juovlalávlagiid golmmain sámegielain. Videos almmustahtto teaser 10.10. ja olles video almmustahtto 31.10.

Servoša fápmu juovllaid sáni guoras

Roavvenjárgga kirkohearrá Ilari Kinnunen govvida iežas mátkkis sápmelašvuođa gurrii ná: ”Sápmelaččaid ja kirku soabadanproseassa lea buktán ovdan oktasaš historjjá ja dan bákčasiid. Lea dehálaš, ahte sánit ja dagut sáhttet boahttevuođas muitalit gudnejahttimis ja ráhkesvuođas. Jesusa riegádeapmái gullevaš eŋgeliid sátni heive maiddái dán dillái: Gudni lehkos Ipmilii allagasas ja ráfi eatnama alde olbmuide, geaid son árpmiha.’ (luk. 2:14)”

Turkus ordnejuvvon dilálašvuhtii oassálasti Ainu Feodoroff muitala, manin dáhpáhus lea sutnje dehálaš: “Lean ássan olles ealliman Sámi olggobealde, man dihtii lea dehálaš ja mearkkašahtti, ahte jagis lea juobe okta beaivi, goas sáhttá gárvodit gávttiin ja ávvudit dan kultuvrra eará sámiiguin.

”Nuppi sohkabuolvva giela manaheaddjiin nuortalašgiela máhcaheapmi iežas árgabeaivái ja birrasiid lea hástalan olu, muhto maiddái bálkkašan. Čábbáseamos juovlalávlagiid várás beasan oahpahallat smávva oasi evangeliumas nuortalašgillii, ja mielastan lea fiinna ášši, ahte min smávva giellamet čalmmustahtto dán dáhpáhusas. Das šaddá saddá dakkár dovdu, ahte buot hástalusaid maŋŋá leat ain dáppe.”

Čuovgga urbi : lávlla doaivagis ja oktavuođas

Sámegielat juovlalávlla Čuovgga urbi almmustahtto skábmamánus 2025 njuolggočuojahanbálvalusain ja YouTubes. Lávlla lea ožžon temás doaivagis ja čuovggas, mat guddet olbmo maiddái váttis áiggiid čađa. Duodji lea árabut leamašan mielde sámegielat Čábbámus juovlalávlagat -gihppagis, ja dál dat oažžu čuoddji skierru hámis.

Lávlla ovttastahttá modeardna musihka heivehusa ja árbevirolaš luođi, ja dahká guoskkahahtti ja vuoimmalaš oppalašvuođa. Lávlagiid lea bidjan sániid Inger-Mari Aikio ja komponeren Ánnámáret. Lávlun gullat anáraš Káren Maria Näkkäläjärvi, ja mielde juoigá maiddái Ánnámáret. Buvttadeamis vástida jietnadáiddár ja musihkar Miro Mantere ja heivehusas su lassin musihkar Otto Eeskelinen.

Čuovgga urbi almmustahtto buot dovddus njuolggočuojahanbálvalusain ja Oulu bismágotti YouTube-kanálas. Oulu bismágoddevuođđudus ja Sámedikki sámemusihkkaguovddáš leat dorjon almmustahttima.

Ovttasbargu vuolggahusservviin

Čábbámus Juovlalávlagat -dilálašvuođat leat oassi Suoma Vuolggahussearvvi árbevirolaš kampánjjas, mas doarjut mánáid ja sin bearrašiid máilmmis. Suoma Vuolggahussearvi lea almmustahttán Čábbámus Juovlalávlagat – gihppaga sámegielaiguin jagi 2022.

Lassedieđut:
Oulu, sámebarggu čálli Erva Niittyvuopio, +358 40 769 0044, erva.niittyvuopio@evl.fi Helsset, bismágottečálli Hanna Remes, 358 40 593 1148, hanna.remes@evl.fi
Jyväskylä, Tiia Saatio, + 358 44 365 2677, saatiotiia@gmail.com
Tampere, registtarčálli Maarit Vuolab, +358 50 344 2349, maarit.vuolab@evl.fi
Turku, bismágottečálli Timo Helenius, +358 40 6881 492, timo.helenius@evl.fi Roavvenjárga, dieđihanhoavda Noora Hietanen, +358 40 670 0277 noora.hietanen@evl.fi
Ruđaidskáhppoma oaivámuš Hanna Kalanne, +358 40 687 1013, hanna.kalanne@felm.org