STREAM-VUOLGÂTTÂS: Sääʹmǩiõllsaž Moččummus rosttovlaullʼjid lääulat 4.12. Ruäʹvnjaarǥ ceerkav čiâss 18

STREAM-VUOLGÂTTÂS: Facebook & YouTube & Virtuaalikirkko

Moččummus rosttovlaulli čueʹjje še kooum sääʹmǩiõʹlle. Taʹnni sääʹmǩiõllsaž Moččummus rosttovlaullʼjid lääulat säʹmmlai dommvuuʹd lââʹssen vittân jeeʹres gåårdest. Moččummus rosttovlaullʼji 50. prääʹzneǩeeʹjj vieʹttješ eeʹjj 2022. Tõn cisttân Lääʹddjânnam vuõlttõs-seäʹbrr õlmstõõʹtti Moččummus rosttovlaullʼjid še nuõrttsääʹm-, aanarsääʹm- da tâʹvvsääʹmǩiõʹlle. Taʹnni laulli čueʹjje maaiʹlm heäjmõs sââʹjest leʹddi päärnai pueʹrren. Sääʹmǩiõllsaž Moččummus rosttovlaulli -viihkâst lij še rosttovlaaul, koon saaʹnid da suõm lie piijjâm säʹmmla. Čuovgga urbi -laulli lij suõmmääm Anna Näkkäläjärvi-Länsman da saaʹnid ǩeeʹrjtam Inger-Mari Aikio.

- Rosttoväigga jõsksmõõvât rosttovlaullʼji veäkka. Moččummus rosttovlaullʼji suõm da sääʹn  säärntâʹlle da poʹhtte čuõv seuʹŋŋummus eeʹjjpoodd, ceälkk nuõrttsääʹm, Tiina Sanila-Aikio Lähetyssanomat-lõõstâst (6/2023).

- Lij samai fiinâs, što Moččummus rosttovlaullʼjid leät noorrâm še kooum sääʹmǩiõʹlle. Mooččâs  melodia õhttuum čâđđam ǩiõʹlle liâvte räämm jeäʹrben õhttsallaš õhttsažlaaulnoorõõttmõõžžin, Sanila-Aikio juätkk.

Noorõõttmõõžž nåʹrre õʹhtte säʹmmlaid da taʹrjjee pääiʹǩ še ääiʹjpoddsaž saǥstõõllmõõžžid da mainnsi vaajtummša rosttovsäʹppkuâsstummuž õhttvuõđâst. Säʹmmla ceerkvest -haʹŋǩǩõõzz projeʹkttkoordinaattor, pastor Mari Valjakka jååʹđat taʹnni Ruäʹvnjaarǥ sääʹmǩiõllsaž Moččummus rosttovlaulli -noorõõttmõõžžid.

- Rosttovlaaulnoorõõttmõõžžin lij läullmõõžž lââʹssen šiõǥǥ tõt, što piâssâp kaaunõõttâd kueiʹmm kuõiʹmeen da vaajted mainnsid. Säʹmmla ceerkvest -haʹŋǩǩõs haaʹlad leeʹd mieʹldd jäʹrjsteʹmmen tännallšem kaaunõõttâmpaaiʹǩid säʹmmlaid nuʹtt dommvuuʹdest ko še gåårdin, tuâtt Mari Valjakka.

Ruäʹvnjaarǥ noorõõttmõõžžid vuässââtt še SámiSoster rõ tuâjjlaž Inga Koivisto da Säʹmmlai psykososiaalʼlaž tuärj juâǥǥas Uuj tuâjjlaž Leena Fofonoff.

Pueʹtted tiõrvân läullad sääʹmǩiõllsaž Moččummus rosttovlaullʼjid!

Lââʹssteâđ: mättstrooiʹtelpastor Jan Pohjonen, +358 40 186 0223 / jan.pohjonen@evl.fi Ruäʹvnjargg