Uutislistaukseen

STREAM-VUÕLTTÕS: Sämikielâlijd Muččâdumos juovlâlavluid lávluh 4.12. Ruávinjaargâ kirhoost tme 18

STREAM-VUÕLTTÕS: Facebook & YouTube & Virtuaalikirkko

Muččâdumos juovlâlavluuh čyejih meiddei kuulmâ sämikielân. Muččâdumos juovlâlavlui 50-ivváášjuhleihe juhlui ive 2022. Ton kunnen Suomâ vuolgâttâsservi almostitij Muččâdumos juovlâlavluid meiddei nuorttâlâškielân, anarâškielân já tavesämikielân. Taan ive lavluuh skääjih maailm hiäjumus sajaduvâst leijee párnái pyerrin. Sämikielâlii Muččâdumos juovlâlavluuh -vihkoost lii mield meiddei sämmilij čäällim juovlâlaavlâ. Čuovgga urbi -lavluu šuoŋâ lii pieijâm Anna Näkkäläjärvi-Länsman já saanijd čáállám Inger-Mari Aikio.

- Juovlâääigi josijdup juovlâlavlui iššijn. Muččâdumos juovlâlavlui šuoŋah já säänih kuoskâtteh já pyehtih čuovâ sevŋâdumos iveääigi, iätá nuorttâlâš Tiina Sanila-Aikio Lähetyssanomat-loostâst (6/2023).

- Lii tuođâi pyeri, ete Muččâdumos juovlâlavluuh láá čuákkejum meiddei kuulmâ sämikielân. Mučis šuoŋah oovtâst vááimu kieláin adeleh ilo eromâšávt siärvuslijn oovtâstlávlumtábáhtusâin, Sanila-Aikio juátká.

Tilálâšvuođah čuákkejeh sämmilijd oohtân já fäälih saje meiddei äigikyevdilis savâstâlmáid já tiervuođâi loonootmân glögi ohtâvuođâst. Sämmiliih kirhoost -haavâ proojeektkoordinaattor, pastor Mari Valjakka joođeet taan ive Ruávinjaargâ Sämikielâlijd Muččâdumos  juovlâlavluid.

- Juovlâlaavlâtilálâšvuođâin lii lávlum lasseen suotâs, ete mij peessâp teivâdiđ nubbe nube já  kuullâđ tiervuođâid. Sämmiliih kirhoost -haahâ haalijd leđe mield orniimin tágárijd teivâdemsoojijd  sämmiláid nuuvt päikkikuávlust ko kaavpugijn-uv, iätá Mari Valjakka.

Ruávinjaargâ tábáhtussáid uásálist meiddei SámiSoster rs pargee Inga Koivisto já Sämmilii psykososiaallii torjuu ohtâduv Uvjj – Uvjâ – Uvja pargee Leena Fofonoff.

Tiervâpuáttim lávluđ Sämikielâlijd Muččâdumos juovlâlavluid!

Lasetiäđuh: oppâlájádâspastor Jan Pohjonen, +35840 186 0223 / jan.pohjonen@evl.fi Ruávinjargâ

26.11.2023 17.06